Մեծ Բրիտանիայում րոպեների ընթացքում Spice Girls-ի համերգի հարյուր հազարավոր տոմս է վաճառվել
Ավելի քան 700 հազար մարդ համացանցում սպասում է Spice Girls խմբի համերգի տոմս ձեռք բերելու իր հերթին: Այս մասին հայտնում է Press Association գործակալությունը:
Ինչպես նշել է ամերիկյան Ticketmaster ընկերության բրիտանական մասնաճյուղի գործադիր տնօրեն Էնդրյու Փարսոնսը, երկրպագուների մեծ թվի պատճառով տոմսերի վաճառքի կայքը խիստ ծանրաբեռնված է: «Spice Girls-ի պահանջարկն ուղղակի ահռելի է», - նշել է նա: Փարսոնսի խոսքով՝ հաշված րոպեների ընթացքում համերգի հարյուր հազարավոր տոմս է վաճառվել:
Ավելի վաղ հայտնի էր դարձել, որ Spice Girls-ը վերամիավորվում է: Դատելով հրապարակված լուսանկարներից՝ խումբը բեմ դուրս կգա առանց Վիկտորիա Բեքհեմի: Սակայն խմբի անդամ Մելանի Բրաունն ասել է, որ նրանք երգչուհուն անպայման խումբ կվերադարձնեն: