د هرات امنيه قوماندانۍ وايي، د پولیسو په ځانګړو عملیاتو کې یوه مشکوکه تروریستي شبکه نیول شوې ده.
د امنيه قوماندانۍ اعلامیه وايي، د نیول شوې شبکې مشر مولوي ملا محمد ایوبي او د هغه پینځه ملګري په پښتون زرغون ولسوالۍ کې نیول شوي دي.
پولیس وايي، د دې شبکې مشر ملا ایوبي د تروریستانو په روزنه، هغوی ته د پټېدود ځای په برابرولو کې په لاس لرلو او پر افغان چارواکو د بریدونو په پلانولو کې لاس درلود.
د هرات امنيه قوماندانۍ دا نهدي ویلي چې دا مشکوکه ډله يې کله نیولې ده.
په هرات ولایت کې د دولت وسله والو مخالفینو تر اوسه په دې اړه څه نه دي ویلي.
