ՄԱԿ-ի Զարգացման ծրագիրը ներկայացրել է Մարդկային զարգացման ինդեքս զեկույցը, որում Հայաստանը հայտնվել է 83-րդ հորիզոնականում: Զեկույցը ներկայացվել է սեպտեմբերի 14-ին ՄԱԿ-ի նյույորքյան կենտրոնակայանում:
Մարդկային զարգացման ինդեքսը ներկայացնում է տվյալ երկրում կյանքի որակի ամենամյա փոփոխությունների ցուցիչներն ու վիճակագրական տվյալները: Ցանկը կազմելիս հաշվարկվում են երեք հիմնական ցուցանիշի՝ կյանքի ակնկալվող տևողության, բնակչության գրագիտության մակարդակի և կյանքի մակարդակի գործակիցները:
Վարկանշային ցանկում տեղ է գտել 189 երկիր, իսկ առաջատար տասնյակում ընդգրկվել են Նորվեգիան, Շվեյցարիան, Ավստրալիան, Իռլանդիան, Գերմանիան, Իսլանդիան, Հոնգկոնգը, Շվեդիան, Սինգապուրը, Նիդեռլանդները: Վերջին հորիզոնականներն են զբաղեցրել Նիգերը, Կենտրոնական Աֆրիկան, Հարավային Սուդանը, Չադը և Բուրունդին:
Մեր հարևան երկրներից Վրաստանը զբաղեցրել է 70-րդ հորիզոնականը, Ադրբեջանը՝ 80-րդ, Թուրքիան՝ 64-րդ:
