Թուրքիայի իշխանությունները մտադիր են կիրակնօրյա դպրոցներ բացել թուրքական սփյուռքի տարբեր գաղթօջախներում՝ թուրք երեխաներին ազգային կրթություն տալու ու մայրենին չմոռացնելու նպատակով, այս մասին տեղեկացնում է demokrathaber.org կայքը։
Այս գաղափարը, սակայն, ոչ միանշանակ է ընդունվել հատկապես եվրոպական երկրներում: Աղբյուրը նշում է, որ թուրքական կիրակնօրյա դպրոցների նախագիծը չի ողջունվել հատկապես Նիդեռլանդների իշխանական շրջանակներում։
Ավելին՝ թուրքական մամուլը կանխատեսում է, որ կիրակնօրյա դպրոցների հարցը կարող է Նիդեռլանդների ու Թուրքիայի միջև նոր լարվածության պատճառ դառնալ։
Հայտնի է, որ Նիդեռլանդների վարչապետ Մարկ Ռյուտեն արդեն հասցրել է իր մտահոգությունը հայտնել այս առիթով ու շեշտել է, որ նման դպրոցներ բացվելու դեպքում դրանք կգործեն շատ խիստ վերահսկողության տակ։