Ֆրանսիայի հավաքականի կազմում աշխարհի և Եվրոպայի չեմպիոն հռչակված Թիերի Անրին պատրաստ է զբաղեցնել «Բորդոյի» գլխավոր մարզչի պաշտոնը, հայտնում է RMC Sport-ը:
Օգոստոսի 17-ին ֆրանսիական ակումբը հայտարարել է ուրուգվայցի մասնագետ Գուստավո Պոյետի ժամանակավոր հեռացման մասին:
Նա քննադատել էր «Բորդոյի» ղեկավարությանը հարձակող Գայտան Լաբորդեին առանց իր համաձայնության վաճառելու համար: Հաղորդվում էր, որ մեկ շաբաթից Պոյետի հետ բանակցություններ կվարվեն նրա հետագա ճակատագրի վերաբերյալ:
Թիերի Անրին համարվում է գլխավոր մարզչի հիմնական թեկնածուն և արդեն համաձայնության է եկել ակումբի ղեկավարության հետ: Հիմա նրա թեկնածությունը պետք է հաստատվի ակումբի սեփականատիրոջ կողմից:
Անրին, հիշեցնենք, 2016 թվականից ընդգրկված է Բելգիայի հավաքականի գլխավոր մարզիչ Ռոբերտո Մարտինեսի մարզչական շտաբում, որի հետ նվաճել է աշխարհի 2018 թվականի առաջնության բրոնզե մեդալները: