ანკარაში ცეცხლი გაუხსნეს ამერიკის შეერთებული შტატების საელჩოს შენობას. ინცინდენტის შედეგად არავინ დაშავებულა. სამართალდამცავთა ინფორმაციით, თეთრი ფერის ავტომობილიდან გასროლილი ტყვიები პოლიციის ჯიხურს მოხვდა.
ვაშინგტონსა და ანკარას შორის ურთიერთობები ბოლო დროს მას შემდეგ გაუარესდა, რაც თურქეთმა უარი განაცხადა ამერიკელი პასტორის, ენდრიუ ბრანსონის გათავისუფლებაზე, რომელსაც თურქეთი ჯაშუშობასა და ტერორიზმში სდებს ბრალს. მას თავისუფლების 35 წლით აღკვეთა ემუქრება.
ამერიკის შეერთებულმა შტატებმა უარი განაცხადა დათანხმდეს თურქეთის პირობას, ამერიკელი პასტორი ენდრიუ ბრანსონი პატიმრობიდან იმ მრავალმილიარდიან ჯარიმაზე უარის სანაცვლოდ გაათავისუფლოს, რომელიც ვაშინგტონმა დააკისრა თურქეთის სახელმწიფო ბანკ „ხალკბანკს“ ირანთან სანქციების რეჟიმის დარღვევის გამო.
„ყველა სხვა საკითხის განხილვა შესაძლებელი იქნება მხოლოდ მას შემდეგ, რაც ბრანსონი გათავისუფლდება“-განუცხადა „The Wall Street Journal“-ს ამერიკელმა მაღალჩინოსანმა. „ჩვენ არაფრის გადახდას არ ვაპირებთ უდანაშაულო ადამიანის გათავისუფლებაში, მაგრამ თურქეთთან კონტაქტებს კი ვჭრით“-დაწერა ამერიკის პრეზიდენტმა ტვიტერში
