د کندز چارواکي وايي، وسلهوالو طالبانو نن دوشنبه سهار د کندز تخار پر لویه لار یو شمېر سپرلۍ چې په درېیو ۴۰۴ ډوله موټرو کې وې، له ځانه سره بیولي دي.
د کندز د امنيه قوماندانۍ د امنیت امر صفيالله محزون ازادي راډیو ته وویل، دا موټر له تخاره د کابل پر لور روان وو چې د کندز د خاناباد ولسوالۍ په مربوطاتو کې درول شوي دي.
نوموړي وویل، د دې سپرلیو د خلاصون لپاره سیمې ته امنیتي ځواکونه رسېدلي او دا مهال له طالبانو سره نښته روانه ده.
د کندز چارواکو دا نهدي ویلي چې په دې موټرو کې په څه شمېر کسان سپاره وو.
وسلهوالو طالبانو تر اوسه پورې په دې اړه څه نهدي ویلي.