Թուրքիայի մայրաքաղաք Անկարայում մի քանի կրակոց է հնչել ԱՄՆ դեսպանատան ուղղությամբ, հայտնում է CNN Turk-ը՝ հավելելով, որ փամփուշտներից մեկը դիպել է անվտանգության անցակետի պատուհանին:
Այնուհանդերձ՝ միջադեպի հետևանքով որևէ մեկը չի տուժել:
Մինչդեռ ոստիկանությունից հայտնել են, որ միջադեպը տեղի է ունեցել առավոտյան ժամը 5-ին: Կրակողները գտնվել են սպիտակ մեքենայի մեջ, որով էլ փախուստի են դիմել դեպքի վայրից:
Այժմ ոստիկանությունը հետախուզում է հայտարարել անհայտ անձանց նկատմամբ:
Աղբյուրը նկատում է, որ ԱՄՆ դեսպանատան դեմ հարձակումը տեղի է ունեցել Անկարայի ու Վաշինգտոնի միջև գերլարված հարաբերությունների ֆոնին:
