«Յուվենտուսի» հարձակվող Մարիո Մանջուկիչը Խորվաթիայի հավաքականում կարիերան ավարտելու վերաբերյալ որոշում է կայացրել.
«Սիրելի՛ երկրպագուներ, ինձ համար ավելի է հեշտ է եղել «խոսել» խաղադաշտում, քան դրանից դուրս: Այնպես որ՝ հիմա բառեր գտնելն ավելի բարդ է, քան հաղթանակ տոնելը կամ 120-րդ րոպեին արագացում կատարելը: Բարդ է, քանի որ պատիվ եմ ունեցել կրելու Խորվաթայի հավաքականի մարզաշապիկն ու ներկայացնելու երկիրս: Բայց ժամանակը եկել է, և ես ավարտում եմ ելույթներս Խորվաթիայի հավաքականում:
Աշխարհի առաջնության արծաթե մեդալն ինձ նոր էներգիա հաղորդեց, բայցև հեշտացրեց այս որոշումը կայացնելը: Ոչ ոք իդեալական չէ. ես շատ պահեր չեմ իրացրել, գնդակներ եմ կորցրել, չեմ հասկացել թիմակիցներիս, բայց միշտ ջանք չեմ խնայել և խաղադաշտում եմ թողել սիրտս: Շնորհակալ եմ, որ գնահատել եք դա և ինձ ու թիմի հետ եք եղել մինչև վերջ:
Այսօրվանից ես ձեզ հետ եմ՝ Խորվաթիայի հավաքականի երկրպագուների շարքում»,- Մանջուկիչի խոսքը մեջբերել է Խորվաթիայի ֆուտբոլի ֆեդերացիայի պաշտոնական կայքը:
Մարիո Մանջուկիչը Խորվաթիայի հավաքականում հանդես է եկել 2007 թվականից: Այս ընթացքում 32-ամյա ֆուտբոլիստը մասնակցել 89 հանդիպման, խփել է 33 գոլ: