БМТ эълон қилган янги ҳисоботга кўра¸ “Ислом давлати” экстремистик гуруҳи Ироқ ва Сурияда қарийб мағлуб этилганига қарамай¸ бу икки давлат ҳудудида гуруҳнинг 30 мингга яқин жангариси бор.
13 август куни эълон қилинган ҳисоботдаги бу рақамлар¸ номлари ошкор этилмаган ҳукуматлардан олинган.
Ҳисоботга кўра¸ Сурия ва Ироқ ҳудудидаги “Ислом давлати” жангариларининг каттагина қисмини хорижликлар ташкил этади.
Гуруҳ бошқарувчиларининг кўпчилиги Афғонистонга кўчиб ўтган ва ҳисоботга кўра¸ бу ерда ҳам 4000 мингга яқин “Ислом давлати” жангариси бор ва улар сони ошиб бормоқда.
Абу Бакр ал-Бағдодий етакчилик қилаëтган гуруҳнинг Ливия¸ жанубий Осиë ва ғарбий Африкада ҳам жангарилари борлиги айтилади.
2014 йили Ироқ ва Суриянинг каттагина ҳудудини ишғол қилган “Ислом давлати” коалиция қўшинларининг ҳарбий амалиëтлари оқибатида¸ бу ҳудудлар устидан назоратини деярли йўқотди.