افغان دفاعي او امنیتي چارواکي وایي، وسلهوال طالبان د غزني ښار له ډېرو برخو ایستل شوي دي.
د افغانستان دفاع وزارت وايي، اوسمهال د ښار په سلو کې نوي برخه د دولتي ځواکونو په ولکه کې ده.
د دفاع وزارت ویاند غفور احمد جاوید تېره شپه ازادي راډیو ته وویل:
"د غزني ښار لومړۍ او دوهمه ناحیه بېرته فعالې شوې، د محبس لور ته سړک تصفیه شو، هلته اکمالات هم وشول بندیانو لپاره، اوبه او ډوډۍ هم ورسول شول، د دې تر څنګ ۹۰ فیصده د غزني ښار د امنیتی ځواکونو تر کنټرول لاندې دی، ۱۰ فیصده د بهلول باغ خوا ته یو څه مزاحمتونه روان دي."
دغهراز د کورنیو چارو وزارت ویاند نجیب دانش هم تېره شپه وویل چې دولتي ځواکونو د غزني د ښار ډېری برخې تر خپل کنټرول لاندې راوستې دي.
دفاع وزارت وايي، په غزني ښار کې د تېرو څلورو ورځو د جګړو په ترڅ کې ۱۹۴ کسه وسلهوال طالبان، تر ۴۰ پورې ولسي خلک او ۳۰ عسکر وژل شوي دي.
