د اسرائیلو ټلوېزیون پرون وویل چې صدراعظم بنیامین نتانیاهو په غزه کې د اوږدمهاله اوربند لپاره دوه میاشتې مخکې د مصر جمهور رئیس عبدالفتاح سیسي سره یوه پټه غونډه درلوده.
د اسرائیلو د صدراعظم ویاند د دغه رپوټ په هکله له څه ویلو څخه ډډه وکړه او مصري چارواکو هم په فوري توګه کومه تبصره نهده کړې.
خو د اسرائیلو د ټلوېزیون لسمې شبکې د لوړپوړو امریکايي چارواکو په حواله چې نومیې نهدی اخیستی راپور ورکړ چې د سیسي او نتانیاهو غونډه د تېرې مې میاشتې پر ۲۲ شوې ده.
په تېرو څو میاشتو کې د غزې تړانګې په سرحداتو کې د زور زیاتي د پېښو له زیاتوالي وروسته، مصر او امریکا د اسرائیلو او د فلسطینیانو د حماس ډلې ترمنځ د اوږدمهاله اوربند لپاره هلې ځلې کړې دي.