Թաիլանդի Փհուկետ քաղաքում 35-ամյա Բենյապա Սուպապն այցելել է իրեն անծանոթ գեղեցկության սրահ՝ թարթիչների լիցք անելու համար, սակայն, արդյունքում, մնացել է առանց թարթիչների, գրում է Daily Mail-ը։
Գեղեցկության սրահում հատուկ կոսմետիկ սոսնձի փոխարեն կոսմետոլոգն օգտագործել է արագ չորացող սովորական սոսինձ։ Րոպեներ անց աղջկա կոպերն այտուցվել են, իսկ հետո կպել իրար, երբ աղջիկը թարթել է։ Չնայած դրան՝ կոսմետոլոգն իր աշխատանքի դիմաց պահանջել է 1.500 բատ։
Սոսինձը վերացնելու համար Սուպապը գնացել է մեկ այլ գեղեցկության սրահ։ Ցավոտ պրոցեդուրայից հետո, որը տևել է մոտ 1 ժամ, նա զրկվել է թարթիչներից։ Դրա համար նա 1.000 բատ է վճարել։
Կինը դիմել է ոստիկանություն և պատմել կատարվածի մասին, սակայն նրան պատասխանել են, որ ոչնչով չեն կարող օգնել։