Ամուսինս գտնվում է Դատապարտյալների հիվանդանոցում, 34 օր է՝ հացադուլի մեջ է, փորձում է պատկան մարմիների ուշադրությունը հրավիրել անհիմն կալանավորվելու փաստի վրա: Այս մասին Tert.am-ին դիմելով ասաց Արսեն Խաչատրյանի կինը՝ Նունե Խաչատրյանը:
Նա ասաց, որ «Նուբարաշեն» ՔԿՀ-ից, 3 օր է, ինչ տեղափոխվել է հիվանդանոց: Նա մանրամասնեց, որ ամուսինը հուլիսի 6-ին թմրանյութերի իրացման կասկածանքով ձերբակալվել է, առաջին ատյանի դատարանի որոշմամբ կալանավորվել` մերժելով խափանման միջոցը փոխել գրավի դիմաց:
«Ներկայացրել էինք վերաքննիչ բողոք խափանման միջոցը փոխելու համար, բայց փաստաբանն ասաց, որ մերժվել է: Ուզում եմ հասկանալ՝ միայն պաշտոնյանների ու նրա հետ փոխկապակցված անձանց համար են գրավ կիրառելը բավարարում: Ամուսինս շատ վատ , ծանր վիճակում է, ունի մի շարք հիվանդություններ: Ոչինչ հաշվի չեն առնում, մերժում են, ունի 3 անչափահաս երեխա: Խաչատուրովը կարա գրավի դիմաց դուրս գա ու երկրից բացակայի, իսկ սովորական քաղաքացին գրավի դիմաց չի կարող ազատ արձակվել»,-շեշտեց Նունե Խաչատրյանը:
Կալանավորված Արսեն Խաչատրյանի կինը նշեց, որ ամուսինն իրեն առաջադրված մեղադրանքը չի ընդունում:
Հիշեցնենք, որ Արսեն Խաչատրյանը մեղադրվում է 266-րդ հոդվածի 3-րդ մասի հատկանիշներով: