დღეს მცხეთის რაიონულ სასამართლოში დანიშნულია წინასასამართლო სხდომა არჩილ ტატუნაშვილის წამებაში დახმარებისთვის დაუსწრებლად ბრალდებული ორი პირის საქმეზე. 2018 წლის 14 ივნისს, საქართველოს მთავარმა პროკურატურამ არჩილ ტატუნაშვილისთვის თავისუფლების უკანონოდ აღკვეთის და მის ჯგუფურად წამებაში დახმარებისთვის ბრალი დაუსწრებლად წარუდგინა ოკუპირებული ცხინვალის რეგიონის დე ფაქტო სამართალდამცავი ორგანოების ორ თანამშრომელს - ახალგორის ე.წ პროკურორის თანაშემწეს დავით გურწიევს და ე.წ უშიშროების კომიტეტის ახალგორის განყოფილების უფროსს, ალიკ ტაბოევს. მათ ბრალად ედება არჩილ ტატუნაშვილთან ერთად კიდევ ორი მოქალაქისთვის თავისუფლების უკანონოდ აღკვეთაც. 15 ივნისს მცხეთის რაიონულმა სასამართლომ გურწიევს და ტაბოევს დაუსწრებლად შეუფარდა წინასწარი პატიმრობა და წინასასამართლო სხდომა 9 აგვისტოს, 14 საათზე დანიშნა.