«Կասպերսկու լաբորատորիա»-ն ներկայացրել է 2018թ. երկրորդ եռամսյակում տեղեկատվական տեխնոլոգիաների սպառնալիքների վերաբերյալ հաշվետվությունը, համաձայն որի` Հայաստանը ներառված է ինտերնետային վիրուսներով վարակվելու առավել մեծ ռիսկի տակ գտնվող երկրների շարքում:
Ինչպես նշվում է rusarminfo.ru-ին ընկերության տրամադրած հաշվետվությունում, մեր երկիրն այդ ցանկում զբաղեցնում է 4-րդ հորիզոնականը:
Հաշվետվության հեղինակները նշել են, որ ընթացիկ տարվա ապրիլ-հունիս ամիսների ընթացքում Հայաստանում համացանցից օգտվողների 30%-ը ենթարկվել է հաքերային հարձակման: Ուստի՝ մասնագետները կոչ են անում լինել ավելի զգույշ ու խուսափել վիրուսակիր կոնտենտով կայքեր այցելելուց:
Ինտերնետային վիրուսներով վարակվելու առավել մեծ ռիսկի տակ գտնվող երկրների ցանկը գլխավորում է Բելառուսը, որին հաջորդում են Ալբանիան ու Ալժիրը: