Մեքսիկայի մայրաքաղաքում չորեքշաբթի ձերբակալվել է երկրի ամենավտանգավոր հանցախմբերից մեկի՝ «Տեպիտոյի միության» ղեկավարը, գրում է «ՌԻԱ Նովոստի»-ն:
Խոսքը Ռոբերտո Մոյադոյի մասին է, նա ձերբակալվել է դաշնային ոստիկանության խոշոր գործողության արդյունքում:
Մեքսիկայի ՆԳՆ ղեկավար Ալֆոնսո Նավարետեն անուղղակիորեն հաստատել է այդ տեղեկությունը, սակայն դեռ չի նշել հանցագործի անունը:
«Դաշնային ուժերի ստորաբաժանումների և դաշնային ոստիկանության թմրանյութերի դեմ պայքարի բաժնի աշխատակիցները ձերբակալել են Մեխիկո քաղաքում և Մեխիկո նահանգում բռնության և թմրանյութերի առևտրի գլխավոր ոգեշնչողներից մեկին»,- ասված է Twitter-ում Նավարետեի հաղորդագրությունում:
Սա արդեն «Տեպիտոյի միության» երկրորդ ղեկավարն է, որ ձերբակալվել է վերջին ամիսներին: