Հայաստանի հավաքականի թեկնածու Գեղամ Հարությունյանը նորամուտն է նշել Կարագանդայի «Շախտյորի» կազմում` մասնակցելով Ղազախստանի առաջնության 21-րդ տուրի` «Կայրաթի» հետ խաղին:
Հանդիպումն ավարտվել է ոչ-ոքի` 1:1 հաշվով:
27-ամյա հայ ֆուտբոլիստը, ով օրերս էր «Գանձասար-Կապանից» տեղափոխվել «Շախտյոր», խաղադաշտ է դուրս եկել հանդիպման 62-րդ րոպեին:
Նշենք` «Կայրաթի» կազմում հանդիպման հաշիվն 90+3 րոպեին հավասարեցրել և իր թիմին պարտությունից փրկել է Ռուսաստանի հավաքականի նախկին ֆուտբոլիստ Անդրեյ Արշավինը:
Այս հանդիպումից հետո «Շախտյորը» Ղազախստանի առաջնության մրցաշարային աղյուսակի 10-րդ հորիզոնականն է զբաղեցնում` իր ակտիվում ունենալով 19 միավոր: Իսկ «Կայրաթը» 48 միավորով երկրորդ տեղում է: