Իսպանիայի վարչապետ Պեդրո Սանչեսն առաջին անգամ հանդիպել է Կատալոնիայի նորընտիր ղեկավար Կիմ Տորայի հետ:
Ինչպես հայտնում է Reuters գործակալությունը, առկա տեղեկության համաձայն՝ հանդիպումն անցկացվում է իսպանացի վարչապետի պաշտոնական նստավայրում՝ Մոնկլոա պալատում: Հանդիպման մեկնարկին առաջնորդները ժպիտով միմյանց ձեռք են սեղմել, ապա ներս գնացել բանակցելու:
Հայտնի է դարձել, որ Տորան Սանչեսին Կատալոնիայի պատմական քարտեզներով գիրք է նվիրել, ինչպես նաև մեկ շիշ ռատաֆիա (ավանդական կատալոնական լիկյոր):
Ինչպես աղբյուրը նշում է, Իսպանիայի և Կատալոնիայի ղեկավարների հանդիպումը խոսում է Մադրիդի և Բարսելոնայի միջև հարաբերությունների կարգավորման մասին: