Салима Муҳаммадёнова: «Милиция ходимлари номусимга теккани ва адолат қилинмаганидан ...»
“Оммавий айблов” Фондининг “Facebook” саҳифасида тарқалган маълумотга кўра, Салима Муҳаммадёнова эрининг инсультдан вафот этгани борасида изоҳ бериб ўтган.
“2016 йилнинг 27 январида милиция ходимлари уйимизга келиб, устимиздан қўшнилар шикоят аризаси берганини, шовқин-сурон қилганимизни айтиб, эрим иккаламизни милицияхонага олиб кетишди. У ерда эрим Игор Губановни бошқа хонага қамаб, мени эса бошқа хонада дўппослашди ва номусимга тегишди. Шундан сўнг бизни қўйиб юборишди. Агар бирор жойда гуллаб қўйсак, ўлдирамиз, дея қўрқитишди. Бироқ биз прокуратурага мурожаат қилдик. Баданимдаги излар, жароҳатлар текширилди, полиграф қурилмаси рост гапираётганимни кўрсатиб берди, аммо якунда бирдан ишни ёпишди ва мени ёлғон кўрсатма берганликда айблаб, 20 минг рубл жарима билан жазолашди”.
Росссиянинг Магнитогорск шахрида содир бўлган ушбу ҳодиса яна қайта кўтарилганининг сабаби шундаки, инсультга чалинган Игор Губанов куни кеча вафот этган.