Մանվել Գրիգորյանի` Արշալույս գյուղում գտնվող հայրական տնից գողություն է կատարվել
Երեկ` ժամը 15.30-ին, ոստիկանության Արմավիրի բաժին մի կնոջից ահազանգ է ստացվել, որ Արշալույս գյուղում, օգտվելով տարածքում մարդկանց բացակայությունից, անհայտ անձինք տեխնիակական միջոցների գործադրմամբ պոկել են ճաղավանդակը և մուտք գործել Մանվել Գրիգորյանի հայրական տուն, խառնել իրերը:
Այս մասին Tert.am-ի հետ զրույցում հայտնեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Նա տեղեկացրեց նաև, որ երեկ՝ ժամը 13.15-ին մի ահազանգ էլ ստացվել է Վաղարշապատի բնակչուհուց առա այն, որ Մելիքյան փողոցում կատարվել է բնակարանային գողություն: Թե այդ գողությունն ինչ կապ ունի Գրիգորյանների հետ, ոստիկանությունից չհայտնեցին:
Նշենք սակայն, որ Մանվել Գրիգորյանի որդիներից մեկի՝ Արման Գրիգորյանի տունը գտնվում է Վաղարշապատի Մելիքյան փողոց 19 հասցեում:
Երկու գործերով նյութերն էլ ուղարկվել են Քննչական կոմիտե: