«Իրատես». Լոռու մարզպետարանում ԲՀԿ-ականներն ու ՔՊ-ականներն անխոս պայքարի մեջ են
«Իրատես» թերթը գրում է. «Լոռու մարզի նոր կառավարիչները, ի դեմս մարզպետի ու փոխմարզպետների, որ քաղաքական երեք ուժերի ներկայացուցիչներ են՝ ՔՊ, ԲՀԿ, ՀՅԴ, պարզվում է՝ կիսելու ահագին բան ունեն:
«ՀՅԴ-ն, այսպես ասած, առայժմ մի կողմ է քաշվել, բայց ԲՀԿ-ի ու ՔՊ-ի միջև անզիջում պայքար է սկսվել վարչություններում ու բաժիններում պաշտոններ ստանձնելու և ազդեցության լծակները մեծացնելու նպատակով: Դպրոցների ու բուժհիմնարկների աշխատողներին էլ ընտրության առաջ են կանգնեցրել՝ կա՛մ ԲՀԿ-ական պետք է լինեն, կա՛մ ՔՊ-ական, անկուսակցական՝ բացառվում է»,- ասաց «Իրատեսի» աղբյուրը:
Խնդիրն այլ է համայնքապետերի պարագայում: Ըստ մեր զրուցակցի՝ որոշ համայնքների ղեկավարներ և՛ լողալ գիտեն, և՛ սողալ ու հանուն աթոռի պատրաստ են համագործակցելու նույնիսկ այն մարդկանց հետ, ովքեր տարիներ շարունակ հակառակորդներ են եղել ու քեն են պահել միմյանց նկատմամբ: Բայց այժմ նրանք «դբա լավը» սկզբունքն են որդեգրել ու փորձում են իրենց տեղն ամրապնդել՝ չկողմնորոշվելով, սակայն, թե նժարի ո՞ր կողմում արժի կանգնել»»,-գրում է թերթը:
Նյութն ամբողջությամբ կարդացեք թերթի այսօրվա համարում: