Շվեդիան հավանություն է տվել Բալթիկ ծովի իր տնտեսական գոտում «Հյուսիսային հոսք-2» գազատարի կառուցման աշխատանքներին: Այս մասին հայտնում է Lenta.ru-ն՝ վկայակոչելով շվեդական Dagens Industri պարբերականին:
«Այսօր առավոտյան Շվեդիայի ԱԳՆ-ում հանդիպում է կայացել, որում ներկայացվել է այս տեղեկությունը», - ասել է Շվեդիայի միջազգային հարցերով կենտրոնի կուսակցության ներկայացուցիչ Չերսթին Լունդգրենը:
Գազատարի կառուցումը Գերմանիայի տարածքում մեկնարկել է մայիսի սկզբին: Աշխատանքներ են իրականացվում Մաքլենբուրգ երկրամասի Լուբմին քաղաքի ցամաքային հատվածում:
Գերմանիայի նավագնացության դաշնային գործակալությունը մարտին թույլտվություն է տվել նոր գազատարի կառուցման և շահագործման համար: