Russia Today հեռուստաալիքի գլխավոր խմբագիր Մարգարիտա Սիմոնյանն իր թվիթերյան միկրոբլոգում պատասխանել է «Ի՞նչ, որտե՞ղ, ե՞րբ» ինտելեկտուալ խաղի ադրբեջանցի մասնակից Ռովշան Ասկերովին, որը վիրավորել էր լրագրողին:
«Իսկ ինչո՞ւ է Ռովշան Ասկերովն անընդհատ ինձ թիրախավորում, և սա առաջին անգամը չէ: Բայց ես նրան նույնիսկ չեմ էլ ճանաչում: Հուսով եմ՝ էթնիկ ծագումն այստեղ կապ չունի: Բայց ես կարող եմ նրա դեմ տրամադրել իմ մտերիմ ընկերուհուն՝ Իռադա Զեյնալովային, որը դաժան աղջիկ է»,-գրել է Սիմոնյանը:
Ինչպես նշում է rusarminfo.ru կայքը, Սիմոնյանի և Ասկերովի վիրտուալ վեճը սկսվել է նրանից, որ RT-ի ղեկավարը հայտարարել էր ռուսերենի գերազանց իմացության, լեզվաբանական գիմնազիան ոսկե մեդալով, իսկ ժուռնալիստիկայի ֆակուլտետը կարմիր դիպլոմով ավարտելու մասին: Մինչդեռ Ասկերովը, առանց Սիմոնյանի անունը նշելու, սակայն ակնհայտորեն նրան նկատի ունենալով, ասել էր, որ «լեզվաբանական գիմնազիայում սարսափելի վատ են սովորեցնում, իսկ ժուռնալիստիկայի ֆակուլտետը, պարզվում է, սովորելու տեղ չէ»:
«Երբեմն ավելի լավ է, որ որոշ հատատությունների շրջանավարտներ չհրապարակայնացնեն այն վայրերը, որտեղ դիպլոմ են ստացել, քանի որ դա վնասում է տվյալ բուհի հեղինակությանը»,-գրել է Ասկերովը՝ օգտագործելով վիրավորական խոսքեր:
