Իսպանիայի նորանշանակ վարչապետ Պեդրո Սանչեսը նոր կառավարություն է նշանակել, որի կազմում ընդգրկվել է 11 կին: Այդ մասին հայտնում է El Pais-ը:
Ընդհանուր առմամբ, Իսպանիայի կառավարությունում կա 18 նախարար: Կանայք զբաղեցրել են փոխվարչապետի, էկոլոգիայի, ֆինանսների, տարածքային քաղաքականության և հանրային գործառույթների, էկոնոմիկայի և բիզնեսի, առողջապահության, պաշտպանության, աշխատանքի և միգրացիայի, կրթության, արդարադատության, արդյունաբերության և առևտրի նախարարի պաշտոնները:
Նշվում է, որ Սանչեսը ձևավորել է փոքրամասնության կառավարություն՝ հրաժարվելով նախարար նշանակել ձախ Podemos և մյուս կուսակցություններից, որոնք օգնել են իրեն իշխանության գալ:
Հիշեցնենք, որ Սանչեսը վարչապետ է նշանակվել խորհրդարանի կողմից հունիսի 1-ին Մարիանո Ռախոյին անվստահության քվե հայտնելուց հետո: