Դրանք մեր ներքին կուսակցական խնդիրներն են: Այս մասին ԱԺ բրիֆինգների ժամին հայտարարեց ՀՀԿ խմբակցության ղեկավար Վահրամ Բաղդասարյանը՝ անդրադառնալով Հանրապետական կուսակցության նախագահի փոփոխությանը:
Սերժ Սարգսյանի հրաժարականից հետո, Վահրամ Բաղդասարյանի խոսքով, նախագահն անձամբ է դրել իրեն փոխարինելու հարցը:
«Եղել է քննարկում, իսկ արդյունքները տեսնում եք՝ ՀՀԿ նախագահը Սերժ Սարգսյան է: Երբ ինքը հրաժարական տվեց վարչապետի պաշտոնից, դրեց հարց, որ նպատակահարմար է քննարկել կուսակցության նախագահի հարցը: Այն քննարկվել է»,- նշեց ՀՀԿ խմբակցության ղեկավարը:
Հարցին՝ սառեցվա՞ծ է ներկայումս ՀՀԿ նախագահի փոփոխության հարցը, թե օրակարգում է, Վահրամ Բաղդասարյանը հստակ չպատասխանեց. «Ամեն օր կարող է նույն հարցը բարձրանալ, սառեցնելը ո՞րն է: Ամեն օր նոր իրավիճակ կարող է լինել»: