«Ռեալի» հարձակվող Կրիշտիանու Ռոնալդուն դժգոհել է իրավապահ մարմինների` իր հանդեպ բավականին կոպիտ վերաբերմունքից:
Պորտուգալացին խնդիրներ ունի իսպանական հարկային մարմինների հետ.
«Անցած ամառ Ֆորմենտորեում մի դեպք պատահեց: Այնտեղ հազարավոր նավակներ, զբոսանավեր կային, իսկ իմն ամենափոքրն էր:
Երբ ես հանգիստ քնած էի, մի խումբ ոստիկաններ տեսախցիկներով ներխուժեցին իմ զբոսանավ: Մտածեցի` «Գուցե, ես ինչ-որ մարդասպա՞ն եմ»:
Ինձ այդ միջադեպը շատ վշտացրեց, բայց ի՞նչ կարող էի անել: Միայն մահից ելք չկա: Անարդարություններ տեղի են ունենում, բայց կյանքը չի ավարտվում»,- Ռոնալդուի խոսքերն է փոխանցում «A Bola»-ն:
