Մայիսի 24-ի երեկոյան մոտ 20 անձինք հարձակվել են «Լիվերպուլի» երկրպագուների վրա Կիևի «Rooster» ռեստորանում, որը տեղակայված է «Օլիմպիական» ստադիոնից քիչ հեռու:
Այս մասին հայտնում է «Mirror»-ը:
Նշվում է, որ անգլիական ակումբի երկրպագուներն աթոռներ և սեղաններ են օգտագործել, որպեսզի պաշտպանեն իրենց դիմակավորված անձանց հարձակումից:
«Լիվերպուլի» երկրպագուները հայտնել են, որ իրենց վրա ապակու կտորներ և այլ առարկաներ են նետվել: Միջադեպի արդյունքում մի քանի երկրպագու գլխի և մաշկի կտրվածքներ է ստացել:
Դեպքի վայր ժամանած Կիևի ոստիկանության աշխատակիցները բերման են ենթարկել հարձակմանը մասնակցած երկու քաղաքացու:
Հիշեցնենք` մայիսի 26-ին Կիևի «Օլիմպիական» ստադիոնում կկայանա Չեմպիոնների լիգայի եզրափակիչը «Ռեալի» և «Լիվերպուլի» միջև: Հանդիպմանը մեկնարկը Երևանի ժամանակով 22:45-ին է: