Հյուսիսային Կորեան հայտարարել է, որ ինչպես և նախկինում` պատրաստ է խոսել ԱՄՆ նախագահ Դոնալդ Թրամփի հետ, այն բանից հետո, երբ Միացյալ Նահանգների նախագահը չեղարկեց Հյուսիսային Կորեայի առաջնորդ Կիմ Չեն Ունի հետ հունիսի 12-ին նախատեսված հանդիպումը:
Հյուսիսային Կորեայի արտաքին գործերի փոխնախարար Կիմ Գե Գուանը այսօր առավոտյան արձագանքել է Թրամփի հայտարարությանը, ասելով, թե իրենք բաց են մնում Վաշինգտոնի հետ «ցանկացած պահի ցանկացած հարց» լուծելու համար: