Շան ձագ գնած չինուհին 2 տարի հետո հասկացել է, որ արջ է պահում (լուսանկարներ)
Չինաստանի բնակչուհի Սու Յուն տիբեթյան մաստիֆ (շների հնագույն ցեղատեսակ) պահելուց 2 տարի անց բացահայտել է, որ չորքոտանին իրականում ոչ թե շուն է, այլ արջ:
Ինչպես նշում է life.ru-ն, տիրուհին պատմել է, որ ժամանակի ընթացքում նկատել է՝ ինչպես է փոխվում շան մռութը, առհասարակ՝ արտաքինն ու պահվածքը: Իսկ կենդանու արձակած ձայներն այնքան բարձր են ու վախենալու, որ վախեցրել են տիրուհուն:
Ի վերջո, կասկածները փարատելու համար չինուհին դիմել է մասնագետների, որոնք պարզել են, որ նրա տանն իրականում ապրում է հազվագյուտ տեսակի արջ:
Դրանից հետո Սուն դժվարությամբ բաժանվել է իր չորքոտանի ընկերոջից, որն արդեն ուղարկվել է համապատասխան կենտրոն:
Տիբեթյան մաստիֆ
Արջի քոթոթը