15 მაისიდან მუშაობას დაიწყებს სპეციალური ჯგუფი, რომელმაც უნდა იმსჯელოს თბილისის ღამის კლუბებში 12 მაისს, ღამით ჩატარებული სპეცოპერაციისას სამართალდამცავთა მიერ უფლებამოსილების შესაძლო გადამეტებაზე. ჯგუფი არასამთავრობო სექტორის და შინაგან საქმეთა სამინისტროს წარმომადგენლებით დაკომპლექტდა და პირველ შეხვედრას 18 საათზე გამართავს. ჯგუფის შექმნაზე 14 მაისს შეთანხმდნენ „თეთრი ხმაურის მოძრაობის“ მიერ ორგანიზებული საპროტესტო აქციის, „ჩემი თავისუფლებისთვის" მონაწილეები და შინაგან საქმეთა მინისტრი გიორგი გახარია. 12 მაისს ღამით, შეიარაღებული სპეცრაზმელები შევიდნენ თბილისის კლუბებში, „ბასიანსა“ და „გალერიში.“ ამას წინ უძღოდა კლუბებში ნარკოტიკების გასაღებაში ბრალდებული 8 პირის დაკავება. თუმცა, ისინი უშუალოდ კლუბების ტერიტორიაზე არ დაუკავებიათ. ღამის კლუბებში სპეცრაზმელების შესვლას თბილისში მოჰყვა ორდღიანი აქცია „ჩემი თავისუფლებისთვის,“ რომლის მონაწილეები აპროტესტედნენ პოლიციის მხრიდან ძალადობას და რესპრესიულ ნარკოპოლიტიკას.
