Կարո Փայլանն այսօր կայցելի բանտում գտնվող Թուրքիայի նախագահի թեկնածու Սելահաթթին Դեմիրթաշին
Թուրքիայի քրդամետ Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը կայցելի կուսակցության նախկին համանախագահ Սելահաթթին Դեմիրթաշին, որը 2016 թվականի նոյեմբերից գտնվում է Էդիրնե նահանգի բանտում։ Այս մասին տեղեկանում ենք Փայլանի Twitter-ի պաշտոնական էջից։
Նշենք, որ Դեմիրթաշը առաջադրվել է կուսակցության կողմից որպես երկրի նախագահի թեկնածու։
Փայլանը հիշեցրել է, որ Դեմիրթաշին այցելելու համար համապատասխան թույլտվության համար նա դիմել էր Թուրքիայի արդարադատության նախարարություն դեռ մեկուկես տարի առաջ։
«Արդարադատության նախարարը 18 ամիս անց վերջապես դրական պատասխան է տվել հղածս պահանջին»,- հայտնել է պատգամավորը՝ խնդրելով բոլոր նրանց, ովքեր առաջարկներ, հարցեր կամ բարեմաղթանքներ ունեն Դեմիրթաշին՝ կապվեն իր հետ։
Փայլանն Էդիրնեի բանտ է մեկնում այսօր։ Այլ մանրամասներ դեռևս չեն հաղորդվում։