Արգենտինայի անվտանգության նախարար Պատրիցիա Բուլրիչը հայտնել է, որ Բուենոս Այրեսում ռուսաստանցի է ձերբակալվել, որի ուղեբեռում հայտնաբերվել է 4 կիլոգրամ կոկաին:
Թմրանյութը հայտնաբերվել է նրա ճամպրուկի երկպատանի գաղտնարանում:
Ըստ ոչ-պաշտոնական լուրերի, 50-ամյա ռուսաստանցին պատրաստվում էր մեկնել Ֆրանկֆուրտ:
Օդանավակայանի անվտանգության ծառայությունը հնարավոր է համարում, որ նա կարող է կապ ունենալ մաքսանենգների հետ, որոնք փորձել էին դիվանագիտական ճանապարհով 400 կիլոգրամ կոկաին Արգենտինայից տեղափոխել Ռուսաստան:
«Կոկաինի գործը» բացահայտվելուց հետո Բուենոս Այրեսի օդանավակայանում հսկողությունն ուժեղացվել էր: