په کابل کې د لومړي ځل لپاره د چرګانو د دانو د تولید یوې لویې فابریکې په فعالیت پیل وکړ.
د افغانستان د کرنې او مالدارۍ وزارت ویاند اکبر رسمتي ازادي راډیو ته وویل چې دغه فابریکه د خصوصي سکټور او"کارد اف او" پانګونې مالي او تخنیکي پروګرام د ۷۶ میلیونو افغانیو څخه په زیات لګښت جوړه شوې ده.
نوموړي وویل، دغه فابریکه چې د ملي دانو نوم ورکول شوی په یو ساعت کې د ۱۰ مټریک ټنه چرګانو د دانو د تولید ظرفیت لري.
د ښاغلي رستمي په وینا، دا ډول فابریکې کولای شي چې د کاري زمینو برابرولو، په ځان بسیاینې او د چرګانو د فارمونو په تقویه کې اساسي رول ولوبوي.