Արևմտյան լրատվամիջոցները պարզել են, որ Հյուսիսային Կորեայի առաջնորդ Կիմ Չեն Ընն ու նրա հայրը՝ Կիմ Չեն Իրը, բրազիլական կեղծ անձնագրեր են օգտագործել 1990-ական թվականներին տարբեր երկրներ մեկնելու համար: Անձնագրերը տրվել են Յոզեֆ Փհագի ու Իջոնգ Չոյի անուններով:
Ինչպես հայտնում է The Daily Mail-ը, բրազիլական անձնագրերի լուսանկարներն առաջին անգամ են հրապարակվում համացանցում:
«Նրանք այլ պետությունների դեսպանատներից վիզա ստանալու նպատակով օգտագործել են այս կեղծ բրազիլական անձնագրերը, որոնցում հստակ երևում են Կիմ Չեն Ընի ու Կիմ Չեն Իրի լուսանկարները: Սա վկայում է, որ իշխող ընտանիքը որքան շատ է ցանկացել ճանապարհորդել ու, միգուցե, փախուստի համար ուղի է հարթել»,- կարծիք է հայտնել արևմտյան անվտանգության ծառայություններից մեկի քաջատեղյակ աղբյուրը:
Բրազիլիայում Հյուսիսային Կորեայի դեսպանատունը հրաժարվել է մեկնաբանել տեղեկությունը, մինչդեռ Բրազիլիայի արտաքին քաղաքական գերատեսչությունից ասել են, որ հարցի վերաբերյալ հետաքննություն է սկսվել:
Կիմ Չեն Ըն
Կիմ Չեն Իր