Ամերիկյան SpaceX ընկերության ղեկավար Իլոն Մասկը Twitter-ում կատակ-գրառում է կատարել, որում իբրև բացահայտել է գլոբալ ինտերնետի հասանելիության գաղտնաբառը:
«Ոչ մեկի չասեք, բայց WiFi-ի գաղտնաբառը «մարսիացիներն» է», - գրել է ամերիկացի գործարարը: Մեկ օրում գրառումը շուրջ 40 000 «լայք» է ստացել և 5500 անգամ կիսվել: Օգտատերերը գնահատել են Մասկի հումորի զգացումն ու շնորհակալություն հայտնել նրան կատարած աշխատանքի համար:
Ինչպես նշում է Lenta.ru-ն, կատակը, հավանաբար, կապված էր Falcon 9-ի վերջերս իրականացված արձակման հետ, որը տիեզերք պետք է հասցներ համացանցի ազդանշանների տարածումն ապահովող Tintin A և Tintin B արբանյակները:
Ընկերության ներկայացուցիչների խոսքով՝ երկու արբանյակն էլ հաջողությամբ դուրս են եկել ուղեծիր և կապ են հաստատել Երկրի հետ: