FOX TV-ի թուրքական ծառայության հաղորդավար Ֆաթիհ Փորթակալը, մեկնաբանելով Թուրքիայի նախագահ Ռեջեփ Թայիփ Էրդողանի՝ ինքնակառավարվող տանկեր արտադրելու մասին հայտարարությունները, հեգնել է նախագահին՝ նշելով, որ Թուրքիան այժմ անգամ տանկի շարժիչ չի կարող ինքնուրույն պատրաստել:
«Տանկ արտադրելու ազգային ծրագիր ունենք, սակայն տանկի շարժիչ արտադրել անգամ չգիտենք: Դա էլ չարած՝ ինքնակառավարվող տանկ ենք սկսում արտադրել», - ասել է հաղորդավարը:
Ըստ նրա՝ նախագահը երազանքների գիրկն է գցում քաղաքացիներին, սակայն ժամանակն է նայել իրականության աչքերին:
«Պետք է իմանալ նաև իրականությունը: Երկիրը, որը մեր տեղական տանկի տեխնիկական մասերն է ապահովում, Գերմանիան է: Իսկ Մերկելի կուսակցության արտաքին կապերի պատասխանատուն արդեն կոչ է արել դադարեցնել Աֆրինում ռազմական գործողությունը»,- հիշեցրել է թուրք հաղորդավարը: