Դևիդ Վերիկոմ. Սուպեր խաղացող չեմ, նորմալ մակարդակ ունեմ

«Գանձասար-Կապանի» նորեկ Դևիդ Վիրիկոմն ակումբի մամուլի ծառայությանը տված հարցազրույցում խոսել է իր նպատակների, նոր մարտահրավերների մասին:

- Շնորհավորում ենք «Գանձասար-Կապանի» ֆուտբոլիստ դառնալու կապակցությամբ: Ի՞նչպիսի տպավորություններ ունես։ 

- Շնորհակալություն։ Ես շատ ուրախ եմ ակումբի հետ պայմանագիր ստորագրելու կապակցությամբ։ Ինձ համար նոր մարտահրավեր է Հայաստան գալը և Բարձրագույն խմբի առաջնությունում խաղալը։ Շատ ուրախ եմ և հույս ունեմ, որ ապագայում կկարողանամ օգուտ տալ թիմին։

- «Գանձասար-Կապանի» մասին ի՞նչ կասես։

- Երիտասարդ ու լավ թիմ է։ Նախքան այս թիմ տեղափոխվելը, գիտեի որ ներքին առաջնությունում տպավորիչ արդյունքներ է գրանցել, մի քանի տեսանյութ դիտել եմ։ Ընկերներիցս մեկը՝ Դրիսա Դիարասուբան խաղացել է Հայաստանի առաջնությունում և պատմել էր ինձ այդ մրցաշարի մասին։ Մեկ բան կասեմ, ես պարզապես ինձ լավագույնս պետք է դրսևորեմ, որպեսզի օգուտ տամ թիմին։

- Բնութագրիր քեզ որպես ֆուտբոլիստի։

- Չեմ ասի, որ ես սուպեր խաղացող եմ, նորմալ մակարդակ ունեմ։ Ցանկությունս ու նպատակս տիտղոսներ նվաճելն է։ Ես սիրում եմ լինել լավագույնը։ Եվ դրա համար պատրաստ եմ անել ամեն ինչ։

- Երկրպագուներին ի՞նչ կասես։

- Գիտեմ, որ նրանց սպասելիքները մեծ են, որովհետև ես նոր խաղացող եմ։ Այո, մեծ ակնկալիքներ ունենալը նրանց իրավունքն է, ես պետք է ամեն ինչ անեմ, որպեսզի ուրախացնեմ նրանց։