امنیستي انټرنېشنل وایي، د امریکا د متحده ایالتونو ولسمشر ډونالد ټرمپ او د نړۍ نورو مشرانو بشري حقونو ته شا کړې او هغوی یې تورن کړي چې یوه داسې خطرناکه لاره یې غوره کړې چې نوردولتونه به یې هم تعقیبوي.
د امنیستي انټرنېشنل منشي سلیل شتي Salil Shetty په هغه کلني راپورکې چې نن پنجشنبې خپور شوی، خبرداری ورکړی چې په اوس وخت کې داسې یوه سیاسي فضا رامنځته شوې چې دا بیخي واضح ده چې زموږ هېڅوک زموږ د بشري حقونو د خوندیتوب ضمانت نشي کولای.
ښاغلی شتي وایي، پر نړیوالو چارو د کرکې او ویرې فضا سیوری غوړولی او په دغه ناکراره وخت کې ډېر لږ حکومتونه شته چې د بشري حقونو ملاتړ کوي.
حال داچې د ده په وینا د السیسي، دوتیرت، مادورو، پوتین، ټرمپ او شي په څېر مشران د میلیونونو کسانو حقونه سخت زنانمنوي.
د امنیستي انټرنېشنل د منشي اشاره، د مصر، فلیپن، وینزیولا، روسیې، امریکا او چین مشرانو ته ده.
