Մեդիա կենտրոնում անցկացվում է քննարկում «Կոռուպցիայի ընկալման համաթիվը 2017-ին. իրավիճակը Հայաստանում» թեմայով: «Թրանսփարենսի Ինթերնեշնլ» միջազգային հակակոռուպցիոն ոչ կառավարական կազմակերպությունը (ԹԻ) հրապարակել է 2017թ. Կոռուպցիայի ընկալման համաթիվը։ ԹԻ հետազոտական թիմը գնահատել է 180 երկիր՝ այդ թվում նաև Հայաստանը։
«Թրանսփարենսի Ինթերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանը մանրամասնում է Կոռուպցիայի ընկալման համաթվի արդյունքները։
Նշենք, որ Հայաստանի 2016թ կոռուպցիայի ընկալման համաթիվը (ԿԸՀ) 33 էր, և այն Բոլիվիայի և Վիետնամի հետ միասին 176 երկրների շարքում կիսում էր 113-ից 115-րդ տեղերը:
Նախորդ՝ 2015թ. Հայաստանի ԿԸՀ համաթվի արժեքը 35-ն էր, և այդ արժեքով այն 168 երկրների շարքում կիսում էր 95-ից 98-րդ տեղերը: 2015թ. համեմատությամբ Հայաստանի հանրային ոլորտի կոռուպցիայի ընկալումը 2016թ. մնացել է մոտավորապես նույնը: Միևնույն ժամանակ, ԿԸՀ դասակարգման աղյուսակում Հայաստանը նահանջել է 18 տեղով։
«Թրանսփարենսի Ինթերնեշնլի» տարածաշրջանային բաժանմամբ Հայաստանը ներառված է Արևելյան Եվրոպա-Կենտրոնական Ասիա տարածաշրջանի մեջ:
