ათ თებერვალს, დილით, ჩრდილოეთ ისრაელში ჩამოვარდნილ, ამ ქვეყნის F-16-ის ტიპის საბრძოლო თვითმფრინავს სირიის საჰაერო თავდაცვამ მოარტყა რაკეტა, დაადასტურა ისრაელის ოგიციალურმა წარმომადგენელმა. როიტერის სააგენტოს შეკითხვას, მოხვდა თუ არა F-16-ს სირიის რაკეტა, ოფიციალურმა პირმა, რომელმაც არ გაამხილა ვინაობა, დადებითად უპასუხა. თვითმფრინავი სირიის ტერიტორიაზე ირანის ობიექტებზე იერიშის შემდეგ უკან ბრუნდებოდა, განაცხადა ისრაელის არმიის წარმომადგენელმა.
