Հնդկաստանի Գուջարաթ ծաղկուն նահանգի շքեղ ու հարուստ պալատում մեծացած արքայազն Մանվենդրա Սինգհ Գոհիլը, ով մանկուց շրջապատված է եղել սպասավորներով, նույնպես դժվարությունների է բախվել կյանքում:
Ինչպես ներկայացնում է The Independent-ը, Ռաջպիպլա քաղաքի մահարաջի որդին ու գահաժառանգը տարիներ շարունակ հանրությունից թաքցրել է իր սեռական կողմնորոշումը: 1991-ին ամուսնանալով Մադյա Պրադեշ նահանգի արքայադստեր հետ՝ Մանվենդրան ստով շրջապատված է ապրել:
Չկարողանալով ապրել այդ գաղտնիքի բեռի ներքո՝ նա խոստովանում է կնոջն իր միասեռական լինելու մասին: Ամուսնությունից մեկ տարի անց նրանք ամուսնալուծվում են, ինչը նույնպես չլսված երևույթ էր Հնդկաստանի համար :
Հնդիկ արքայազնը և նրա նախկին կինը տարիներ շարունակ պահել են գաղտնիքը, սակայն 2002-ին նա նյարդային խանգարման պատճառով հիվանդանոց է ընկնում, որտեղ հոգեբանը բացահայտում է գաղտնիքն ու հայտնում նրա ծնողներին:
Այժմ նա որոշել է իր թագավորական պալատում հատուկ կենտրոն բացել լեսբի, գեյ, բիսեքսուալ և տրանսգենդեր մարդկանց համար:
