Жорий йилнинг 8 февраль куни Тошкентга Белоруссиядан 2 та катта ва ўртача ҳажмли автобуслар олиб келинди. Бу ҳақда “Тошшаҳартрансхизмат” АЖ матбуот хизмати хабарига асосан Қалампир нашри
маълумот бермоқда.
Белоруссиядан келтирилган “MAZLotos” русумли транспорт воситаси табиий газ билан юради.
Ушбу автобусларнинг поли паст бўлиб, ногиронлар аравачалари ва жисмоний имконияти чекланган шахсларга қулайлик яратиш мақсадида махсус тайёрланган.
Автобусларни синаш амалиёти “Тошшаҳартранс” АЖ таркибига кирувчи автопаркларда ўтказилади.