ԱՄՆ ֆինանսների նախարարությունը պատժամիջոցներ է սահմանել թուրքական մասնագիտական էլեկտրոնիկային ընկերության դեմ՝ հայտարարելով, որ ընկերությունը նպաստել է «Իսլամական պետություն» ահաբեկչական խմբավորման զինյալներին անօդաչու սարքերի մատակարարման գործընթացին:
Ինչպես գրում է թուրքական diken.com.tr կայքը, վերոնշյալ ընկերությունը պատկանում է Յունուս Էմրե Սաքարյա անունով անհատ ձեռներեցի:
ԱՄՆ-ում համոզված են, որ այս ընկերությունը լուրջ աջակցություն է ցուցաբերել ԻՊ ահաբեկիչներին՝ թե՛ ֆինսանապես, թե՛ տեխնիկապես: Ուսումնասիրության մանրամասները, սակայն, չեն հրապարակվում:
ԱՄՆ ֆինանսաների նախարարության կողմից հրապարակված հայտարարությունում նշվում է, որ թուրքական ընկերությունը ԻՊ-ի հետ գործարքի մեջ է եղել սկսած 2015 թվականից՝ մատակարարելով նրանց անօդաչու սարքերի համար անհրաժեշտ մասեր:
Ավելին՝ 2016 թվականին ընկերությունը 500 000 դոլարի հասնող ապրանք է վաճառել ԻՊ-ին՝ կրկին անօդաչու սարքերի պատրաստման համար:
Նշվում է, որ ԱՄՆ-ն նման պատժամիջոցներ է սահմանել նաև մեկական սոմալիական և ֆիլիպինական ընկերությունների հանդեպ: