Ադրբեջանի նախագահ Իլհամ Ալիևն ուրբաթ հրամանագիր է ստորագրել Աստվածաբանության ինստիտուտ ստեղծելու մասին:
Ինչպես փոխանցում է INTERFAX.RU-ն, երկրի ղեկավարի կայքում հրապարակված հրամանագրի համաձայն՝ Աստվածաբանության ինստիտուտը կներառվի Բաքվի Պետական համալսարանի կառույցի կազմում, միևնույն ժամանակ այն կենթարկվի Կրոնական կառույցների հետ աշխատանքի հարցերով պետական հանձնաժողովին:
Ինտիտուտի ստեղծման հիմնական նպատակը «կրոնական գործունեության բնագավառում բարձր որակավորում ունեցող կադրերի պատրաստումն է»:
Հրամանագրով վերոնշյալ պետական հանձնաժողովը պարտավորվում է երկամսյա ժամկետում հաստատել ինստիտուտի կանոնակարգը: Կառավարությանը հանձնարարվել էր ինտիտուտի համար շենք հատկացնել երկու ամսվա ընթացքում, ինչպես նաև կարգավորել դրա ֆինանսավորման հետ կապված հարցերը: