Կիպրոսի նախագահական ընտրությունների երկրորդ փուլում, որը տեղի է ունեցել փետրվարի 4-ին, հաղթել է գործող նախագահ Նիկոս Անաստասիադեսը։
71-ամյա պահպանողական գործիչը ստացել է ձայների 55.9 տոկոսը, նրա մրցակից առողջապահության նախկին նախարար Ստավրոս Մալասի օգտին քվեարկել է ընտրողների 44 տոկոսը։
Կիպրոսի վերամիավորումը Անաստասիադիսի քաղաքականության առաջնահերթություններից մեկն է։
Թեև 2017 թվականի ՄԱԿ-ի հովանու ներքո անցկացված բանակցությունները մտել են փակուղի, նախագահից ակնկալվում է նոր նախաձեռնություններ։
Հույն-կիպրոսցիները պնդում են կղզուց թուրքական զորքի ամբողջությամբ դուրսբերում, մինչդեռ թուրք-կիպրոսցիները թուրքական զորքն են համարում իրենց անվտանգության երաշխիք։
