«Չելսիի» գլխավոր մարզիչ Անտոնիո Կոնտեն խոսել է իր հնարավոր հրաժարականի մասին.
«Պետք է անկեղծ լինեմ: Նման խոսակցությունները ի հայտ են եկել «Բարնլիի» (2:3) հետ խաղից հետո: Հնարավոր է՝ ցանկանում էի, որ ակումբը հայտարարությամբ հանդես գար ու հայտներ, որ վստահում է ինձ: Սակայն, նախկինում նման բան չի եղել, ինչո՞ւ պետք է հիմա հակառակը լինի:
Իհարկե, շատ կցանկանայի, որ «Չելսին» ինձ աջակցող հայտարարություն աներ՝ վերջ դնելով բոլոր շշուկներին: Խնդիրն այն է, որ այս թիմում նախկինում երբեք նման բան չի եղել: Անկասկած, ուրախ կլինեի, որ քաջալերող խոսքեր լսեի իմ հասցեին:
Խոսե՞լ եմ արդյոք Աբրամովիչի հետ: Կարծում եմ՝ ավելի լավ կլինի, որ դա գաղտնիք մնա»,- Կոնտեի խոսքերը մեջբերում է «Fourfourtwo»-ն: