Համացանցում հայտնվել է ևս մի տեսանյութ, որում երևում է, թե ինչպես է Սիրիայի հյուսիսում գտնվող քրդական ազգային զինված ջոկատների (PYD/YPG) կին մարտիկը հակատանկային հրթիռային համալիրից հրթիռ արձակում թուրքական Leopard տանկի ուղղությամբ ու կործանում այն:
Հակատանկային համալիրի մոդելը չի նշվում:
Շաբաթ օրը թուրքական ԶՈւ-ի ԳՇ-ն հաստատել էր Սիրիայում մեկ տանկի կործանման լուրն ու նշել, որ հարվածի հետևանքով մահացել է 5 զինծառայող: Որոշ աղբյուրներ, սակայն, հայտնել են 8 զոհի մասին:
Ավելի վաղ մի շարք լրատվամիջոցներ պնդել էին, որ քուրդ զինյալների ոչնչացրած տանկն օգտագործել են տարածքում կռվող թուրքամետ իսլամիստական խմբավորումներից մեկի գրոհայինները:
Հիշեցնենք, որ հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: Օդային առաջին հարձակումներից հետո, հունվարի 21-ին թուրքական ԶՈւ-ի զինվորականներն անցել են լայնամասշտաբ հարձակման նաև ցամաքում: Հայտնի է, որ թուրքական ԶՈւ-ին աջակցում է «Սիրիական ազատ բանակ» ընդդիմադիր խմբավորումը՝ ինչպես 2016թ.-ին ձեռնարկված «Եփրատի վահան» գործողության ժամանակ:
#YPJ fighters destroy Turkish army's tank with ATGM in Heftar village of Bilbil district. February 3, #Afrin. pic.twitter.com/hyHR2SZMdV
— Rojava Defense Units | YPG (@DefenseUnits) February 3, 2018