Ռուսաստանի Դաշնության Քննչական կոմիտեն ստուգում է սկսել Յակուտսկում 3-ամյա երեխայի՝ ոտնաթաթերի սառեցման պատճառով հոսպիտալացման դեպքի առնչությամբ, հայտնում է gazeta.ru-ն։
«Փետրվարի 3-ին երեխայի մայրը խանութ է գնացել՝ որդուն բարեկամի հետ տանը միայնակ թողնելով, սակայն բարեկամը ևս տնից դուրս է եկել: Երեխան, միայնակ մնալով, բնակարանից փողոց է վազել առանց վերնահագուստի ու կոշիկի: Տղային նկատել են անցորդներն ու տարել խանութ, որը գտնվում է նրանց բնակարանի շենքում»,- ասվում է ՔԿ մամուլի ծառայության տարածած հայտարարությունում:
Ավելի ուշ տղան տեղափոխվել է արտակարգ բուժօգնության այրվածքային բաժանմունք, որտեղ ախտորոշվել է երկու կրնկի սառեցում:
Հայտնի է, որ միջադեպի օրը Յակուտսկում եղել է -40 աստիճան: