ҚЫЗЫЛОРДА. ҚазАқпарат - Биыл Қызылордада «Ақылды аялдама» жобасын іске қосу жоспарланып отыр. Нәтижесінде, қоғамдық көлікпен жүретін қала тұрғындары автобустардың қашан келетінін смартфондағы мобильді қосымша арқылы біліп отырады. Бұл туралы бүгін Өңірлік коммуникациялар қызметінде өткен баспасөз конференциясында облыс әкімінің орынбасары Евгений Ким мәлімдеді, деп хабарлады ҚазАқпарат тілшісі.